Өр-яңы модулле фельдшер-акушерлыҡ пункттары үҙ ишектәрен асты

Шуға күрә республиканың бәләкәй ауылдарында ла модулле фельдшер-акушерлыҡ пункттары асылыуы матур күренешкә әйләнде. Улар “Һаулыҡ һаҡлау” милли проекты сиктәрендә төҙөлә. Районыбыҙҙа һуңғы биш йылда Байымбәт, Уҫман, Түбәнге Ташбүкән, Рус Саскүле, Ҡурғашлы, Ҡормантау, Архангелка ауылдарында ФАП-тар сафҡа ингәйне.

30 июлдә тантаналы шарттарҙа йәнә өсәү: Бурлы, Ибраһим һәм Ҡарағай ауылдарында ФАП-тар файҙаланыуға тапшырылды. Районыбыҙҙа ошондай модулле ФАП-тар һаны 12-гә етте.