Ҡаҙылыҡ

Итте эмаль кәстрүлгә һалып бер тәүлеккә һалҡынға ҡуйып тороғоҙ. Ҡаҙылыҡ өсөн алынған эсәкте яҡшылап йыуығыҙ  ҙа бер яҡ башын бәйләп ҡуйығыҙ. Әҙер ит менән эсәкте тултырығыҙ. Тултырғанда  ит менән майлы  ит киҫәген  йәки ат майын аралаштырып һалығыҙ.  Шуны иҫәпкә алырға кәрәк: эсәккә тултырылған иттең  майы 30 % тәшкил итергә тейеш. Итте тултырғас, эсәктең башын ныҡ итеп бәйләгеҙ. Әҙер ҡаҙылыҡты туңдырғысҡа һалып ҡуйырға. Бешерер алдынан уны иретергә, бүҫелмәһен өсөн ҡайнап сығыр алдынан бер нисә урындан нәҙек энә менән тишкеләп алырға мөмкин. Әҙер ҡаҙылыҡты  әкрен генә ҡайнатып бешерегеҙ. Ҡайнап сығыуға бер нисә урындан тишегеҙ.