Геройға мәңгелек дан!

Подполковник, Афғанстанда хәрби хәрәкәттәр ветераны Андрей Мигунов 2023 йылдың майында үҙ теләге менән махсус хәрби операцияға юллана. “Башҡортостан” мотоуҡсылар полкы составында Советтар Союзы Геройы Сергей Зорин исемендәге танк батальоны командиры булып нацистарға ҡаршы алыша. Бер алышта шәхсән үҙе элек яулаған позицияларҙы яҡлаған бронегруппаны етәкләй. Бурысы үтәлә, әммә боеприпастарҙы тулыландырыу өсөн ҡайтҡанда командирҙың БМП-һына дошман дрондары һөжүм итә. Үҙ һалдаттарын шартлауҙан ҡаплап, үлемесле яралана һәм яу яланында һәләк була. Ғүмеренең һуңғы секундына тиклем офицер Андрей Мигунов тәүәккәллек күрһәтеп, батыр һәм ҡыйыу эш итә. Геройға мәңгелек хәтер һәм дан!