Еңеүҙе яҡынайтыу өсөн...

 Мәртәбәле ҡунаҡтарҙы  район хакимиәте башлығы Венер Вахитов оҙатып йөрөнө. Улар махсус хәрби операция башланғандан алып МХО-лағы яҡташтарыбыҙға даими рәүештә һәр яҡлап (айырыуса гуманитар ярҙам әҙерләүҙә) ярҙам иткән районыбыҙ  ирекмәндәре менән осрашты. Район мәҙәниәт һарайында мәртәбәле ҡунаҡтарҙы мәҙәниәт хеҙмәткәрҙәре йыр-бейеү менән ҡаршы алды.

Мәҙәниәт һарайының икенсе ҡатында күргәҙмәләр урын алған. Рәмзиә Насирова етәкселегендәге Ғафури районының М.Шайморатов исемендәге “Үҙебеҙҙекеләрҙе ташламайбыҙ” ирекмәндәр штабы,  Василий Калачигов етәкселегендәге Рәсәй Геройы А.П.Мигунов исемендәге “Комбат” эҙәрмәндәр отряды, Миңнисара Заһиҙуллина етәкселегендәге “Ышаныслы тыл” ирекмәндәр төркөмө, Родина ауылы оҫталары эштәренән торған күргәҙмәләрҙе ҡунаҡтар ҡыҙыҡһынып ҡарап сыҡты. Шулай уҡ һаҡселтәр үреүсе ҡатын-ҡыҙҙар менән аралаштылар, улар оҫталыҡ дәресе күрһәткәс, Константин Борисович үҙен был эштә һынап та ҡараны. Н.Мәжитов исемендәге Красноусол башҡорт гимназия-интернатының  шайморатовсылар – 8 ”А” класы махсус хәрби операциялағы яҡташ яугирҙарға хаттар яҙҙы, “Форсат” йәштәр үҙәге ойошторған бетеүҙәр әҙерләүҙә ҡатнашты.