Отчёт та тоттолар, МХО яугирҙарының яҡындары менән дә осраштылар

Ауыл мәктәбендә үткән ултырышта район хакимиәте башлығы Венер Вахитов, район Советы секретары Марсель Йәнмырҙин, “Ватанды һаҡлаусылар”  фонды координаторы Рәмзиә Юлмөхәмәтова, ауыл Советы депутаттары ҡатнашты. Имәндәш ауыл хакимиәтенең йыллыҡ отчёты менән Имәндәш ауыл биләмәһе башлығы Әхнәф Ноғайғолов сығыш яһаны. Ултырыштан һуң, район башлығы Венер Фәнир улы был төбәк халҡын борсоған һорауҙар буйынса ҡабул итеү үткәрҙе, махсус хәрби операцияла ҡатнашҡан һәм һәләк булған яугирҙарҙың әсәләре, ҡатындары, туғандары менән осрашып аралашты.