Районға эш сәфәре емешле булды

Наталья Юрьевна район хакимиәте башлығы Венер Вахитов менән берлектә ер һәм милек мөнәсәбәттәре өлкәһендә районды үҫтереү перспективаларын тикшерҙеләр. Шәхси һорауҙары буйынса граждандарҙы ҡабул итеү уҙғарҙы. Районыбыҙҙағы ике фермер хужалығында булдылар. Игенйылға ауылындағы 2014 йылда эшҡыуар Смирновтар ғаиләһе тарафынан үҙ эшмәкәрлеген башлап, дөйә, марал һәм башҡа һирәк осрай торған йәнлек-ҡоштар үрсетеү менән шөғөлләнгән “Күркәм дөйәғош крәҫтиән-фермер хужалығы менән таныштылар. Марваевтарҙың крәҫтиән-фермер хужалығы Курорт ауылында ауыл туризмын үҫтереүҙең уңышлы тәжрибәһен күрһәтте. Бында атта йөрөү, мунса, уҡ атыу - ял итеү өсөн бөтәһе лә бар.