Тыуған яҡты өйрәнеү музейы яңырып үҙ ишектәрен асты

25 февралдә сираттағыһы – “Ҡауарҙы: кисә, бөгөн, киләсәктә” тип исемләнгән яңыртылған тыуған яҡты өйрәнеү музейын асыу тантанаһы үтте. Музей Башҡортостан Республикаһы гранттар фонды ярҙамында яңыртылып, үҙ ишектәрен асты. Сарала район мәғариф бүлеге начальнигы вазифаһын башҡарыусы Айҙар Рафиҡов, Ҡауарҙы ауыл биләмәһенең эштәргә идара итеүсеһе Фидалия Кәримова, мәғариф ветераны Райфат Әбелғужин, Ҡауарҙы мәктәбен тамамлаған, хәҙер Красноусолда йәшәүсе мәғариф ветераны Миңзилә Дилмөхәмәтова (Балтаева), уҡытыусы-ветерандар, уҡыусылар, уҡытыусылар ҡатнашты.