Бөйөк Еңеү хөрмәтенә түләүҙәр

Апрелдә Бөйөк Ватан һуғышы ветерандары пенсия менән бергә Еңеүҙең 80 йыллығына ҡарата бирелеүсе байрам түләүен дә аласаҡ. Почта пенсияларҙы раҫланған графикка ярашлы 3-24 апрелдә тарата, ә банк иҫәптәренә аҡса 10 апрелдә күсерелә.

Ай аҙағына тиклем бер тапҡыр бирелеүсе 80 мең һумлыҡ түләү түбәндәге категория граждандарға бирелә:

- Бөйөк Ватан һуғышында ҡатнашыусыларға һәм һуғыш инвалидтарына, шулай уҡ уларҙың тол ҡатындарына;

- “Блокадалағы Ленинградта йәшәүсегә”, “Ҡамауҙа ҡалған Севастополдә йәшәүсегә”, “Ҡамауҙа ҡалған Сталинградта йәшәүсегә” тигән отличие билдәһенә эйә кешеләргә;

- фашист лагерҙарының элекке бәлиғ булмаған тотҡондарына.

Бынан тыш, һуғыш ваҡытында тылда кәмендә ярты йыл эшләгән (СССР-ҙың оккупацияланған территорияларында эшләгән осорҙан башҡа), шулай уҡ һуғыш йылдарында хеҙмәт ҡаһарманлығы өсөн совет ордендары һәм миҙалдарына лайыҡ булған кешеләр апрель һуҙымында 55 мең һум түләү аласаҡ. Ошондай уҡ сумманы нацист лагерҙарының, төрмә һәм геттоларының өлкән тотҡондары ла аласаҡ.

Бөйөк Ватан һуғышында ҡатнашыусылар һәм һуғыш инвалидтары өҫтәп Еңеү көнө хөрмәтенә йыл һайын бирелеүсе 10 мең һум түләү аласаҡ.