Кескәйҙәр - Еңеү парадында

Парад Бөйөк Еңеүҙең 80 йыллығына арналып, Башҡортостан Республикаһы Башлығы гранттар фонды ярҙамында “Миләшкәй” мәктәпкәсә белем биреүгә ярҙам һәм үҫтереү фондының “Мәктәпкәсә йәштәгеләр Бөйөк Еңеүҙе данлайҙар” проектына нигеҙләнеп үткәрелде. Район үҙәгенең дүрт балалар баҡсаһының хәрби кейемдәге кескәй тәрбиәләнеүселәре тәрбиәселәре менән берлектә тантаналы маршта үтте. Сарала ҡатнашыусыларҙы  район хакимиәте башлығы Венер Вахитов тәбрикләне. Сара Геройҙар Аллеяһындағы мемориаль комплексҡа һәм мәңгелек утҡа венок һәм сәскәләр һалыу менән тамамланды.