Президент гранттары Сәйетбаба мәктәбендә интерактив тир асылды

Быға “Сәйетбаба” социаль-мәҙәни үҫешенә булышлыҡ итеү фондының “Рәсәйгә хеҙмәт итәм” интерактив лазерлы тир” проектының Президент гранттары конкурсында еңеүе ярҙамында өлгәшелгән. Ул граждандарҙың сәләмәтлеген һаҡлау, сәләмәт йәшәү рәүешен пропагандалауға йүнәлтелгән. Еңгән аҡсаға экранға проекцияланған мишеньдәргә атыу өсөн тренажер һатып алынған. Ул балаларҙы Ватанды һаҡлау һәм хәүефһеҙлек нигеҙҙәре буйынса дәрестәрҙә уҡытыу, шулай уҡ атыу буйынса нормативтар тапшырыу өсөн тәғәйенләнгән.

Мәктәптең тамаша залында уҙған тантаналы сарала ҡунаҡтар: район мәғариф бүлеге начальнигы вазифаһын башҡарыусы Айҙар Рафиҡов, Сәйетбаба ауыл биләмәһе башлығы Венер Ҡунафин, отставкалағы пограничник хеҙмәте майоры Ғәли Ибраһимов ҡатнашты.