Башҡортостанда ауыл советы башлығы МХО-ла һәләк булған яугирҙың аҡсаһын урлаған

Нефтекама прокуратураһы махсус хәрби операцияла һәләк булған яугирҙың аҡсаһын урлау буйынса енәйәт эшен тикшереүҙе тамамлаған.

Күҙәтеү ведомствоһы мәғлүмәттәре буйынса, Краснокама районы Яңы Ҡайынлыҡ ауыл советының элекке башлығы мәрхүм туғанының банк картаһы дубликатын файҙаланып, 1 миллион һумға яҡын аҡса алған. Быны ул үҙ ихтыяжы өсөн тотонған.

Ир үҙ ғәйебен таныған һәм урланған аҡсаны кире ҡайтарған. Хәҙер эш артабан тикшереү өсөн Нефтекама ҡала судына ебәрелгән.