“Мәктәпкәсә белем биреү ойошмаһының йыл педагогы” республика конкурсы башланды

Был абруйлы конкурста беҙҙең районды муниципаль этап лауреаты булып танылған Красноусолдағы “Әкиәт” балалар баҡсаһы тәрбиәсеһе Алина Александровна Комлева күрһәтәсәк.

20-23 ғинуарҙа Башҡортостан Республикаһы Мәғарифты үҫтереү институты республика конкурсы ҡатнашыусылары өсөн “Перезагрузка” тигән очный интенсив үткәрә. Был сара ПРОконкурс: МББ-ның педагогтарын һөнәри конкурстарға әҙерләү тигән өҫтәмә һөнәри белемде камиллаштырыу программаһы сиктәрендә ойошторола. Беҙҙең конкурсант та интенсивта ҡатнашты.

Алина Александровнаның “Перезагрузка”ла ҡатнашыуы уның һөнәри потенциалын байтаҡҡа көсәйтеп, районыбыҙҙы республика кимәлендә лайыҡлы күрһәтергә ярҙам итер, тип ышанабыҙ.

Алина Александровнаға уңыштар теләйбеҙ һәм уның еңеүенә ышанабыҙ!