Районыбыҙҙан йәш ғаилә торлаҡҡа социаль түләү алды

Илнур менән Ләйлә “Рәсәй Федерацияһы граждандарын ҡулайлы һәм уңайлы торлаҡ менән тәьмин итеү” дәүләт программаһында ҡатнашыусы булды, ул “Йәшәү өсөн инфраструктура” милли проекты сиктәрендә ғәмәлгә ашырыла.

Социаль түләү суммаһы ике миллион һумдан күберәк тәшкил итте. Был аҡсаны ғаилә Красноусол ауылында һатып алған йорттары өсөн ипотека кредитын ҡаплауға йүнәлтәсәк. Илнур, Ләйлә һәм уларҙың ике ҡыҙы өсөн был торлаҡ шарттарын яҡшыртырға һәм финанс ауырлыҡты кәметергә мөмкинлек биргән мөһим ярҙам.

Ҡотлайбыҙ!