Хәүефле осорға техника әҙерлеге тикшерелде

Район хакимиәте башлығы Венер Вахитов етәкселегендә был сараға ҡуйылған техниканың торошо һәм эшкә яраҡлылығы, запас материалдарҙың һәм инструменттарҙың булыуы тикшерелде. Районыбыҙҙың “ГИП-Электро” ЯСЙ-е, электр селтәрҙәре, газ хеҙмәте, юл ремонт-төҙөлөш идаралығы, “Тепловодоснабжение” МУП-ы, 74-се янғын-ҡотҡарыу часы, АТП, ветеринария хеҙмәте, Ғафури урмансылығы, урман хужалығы һәм башҡа предприятиелары, учреждение-ойошмаларының, райондың барлыҡ ауыл биләмәләренең авария-ҡотҡарыу бригадалары үҙ әҙерлеген күрһәтте.

Комиссия кәрәк булғанда ғәҙәттән тыш хәлдәрҙе бөтөрөүҙә йәлеп ителәсәк авария-ҡотҡарыу бригадаларының йыһазландырылыуын, барлыҡ техниканың торошон һәм эшләү ҡеүәтен тикшереп сыҡты. Смотр Ғафури ғәҙәттән тыш хәлдәрҙе иҫкәртеү һәм бөтөрөү территориаль системаһының эшкә әҙер булыуын күрһәтте.