Апрелдең тәүге ял көндәрендә районда спорт йомғаҡтары

Унда Стәрлетамаҡ, Мәләүез, Ишембай, Стәрлетамаҡ, Әбйәлил һәм Йылайыр райондарынан командалар булды. Районыбыҙҙың Балалар-үҫмерҙәр спорт мәктәбенең ҡыҙҙар волейбол йыйылма командаһы 1-се урын яуланы.

✔ Шул уҡ көндә Красноусол ауылындағы “Еҙем” ФОК-ында Ғафури районы хакимиәте башлығы кубогына грэпплинг спорт көрәше буйынса асыҡ турнир үтте. Ярыштар Башҡортостан Республикаһынан һәм Ырымбур өлкәһенән 22 команданан торған 300-ҙән ашыу ҡатнашыусыны үҙенә йыйҙы.

✔ 3-5 апрелдә Өфөлә “Аҡ ладья” һәм “Шахмат яланы” шахмат буйынса республика ярыштары үтте. Турнирҙар республика ҡалалары һәм райондарының 20 мәктәбенән 80 ҡатнашыусыны йыйҙы. Ғафури районын  күрһәткән Красноусолдағы 2-се урта мәктәп командаһы дөйөм команда иҫәбендә 2-се урынды алды. Даниил Садиҡов “Шахмат яланы-2026” чемпионы булып танылды - беренсе таҡтала  1-се урын; Назар Әбсәләмов  - икенсе таҡтала  3-сө урын; Тимур Фәхретдинов - өсөнсө таҡтала 2-се урын; Аделина Ишмырҙина - дүртенсе таҡтала 2-се урын.

Ярыштар күләмле спортты үҫтереүгә йүнәлтелгән “Рәсәй спорты” дәүләт программаһы сиктәрендә үтте.

Спортсыларыбыҙҙы ҡотлайбыҙ!