Туғайҙа өр-яңы фельдшер-акушерлыҡ пункты асылды

Туғайҙарҙың шатлығын уртаҡлашырға БР Дәүләт Йыйылышы – Ҡоролтай депутаты, “Красноусол” шифаханаһы директоры Рәмил Бәҙретдинов, район Советы, район башҡорттары ҡоролтайы рәйесе Фаил Зәйнетдинов, район хакимиәте башлығының иҡтисади үҫеш, етештереү һәм инвестициялар буйынса урынбаҫары Артур Ғафаров, Мотлаҡ медицина страховкаһы территориаль фондының Стәрлетамаҡ филиалы директоры Альберт Бәҙретдинов, Үҙәк район дауаханаһының баш табибы Хәкимйән Сәфәрғолов, Үтәк ауыл биләмәһе башлығы Айҙар Әмерханов һәм башҡалар килде.

Сығыш яһаусылар был бинала эшләйәсәк фельдшер Алһыу Әсфәндийәроваға сәләмәтлек, уңыштар, ә ауыл халҡына тик профилактик яҡтан ғына бында булырға яҙһын ине, тигән теләктәрен дә еткерҙеләр.