Тракторҙар баҫыуға сыҡты

- Әлегә Еҙем-Ҡаран ауылы яғында, “Колос” ЯСЙ-нә ҡараған ужым бойҙайына ашлама индереп, артынса тырмата башланыҡ,- ти агроном Раил Мөхәмәтйәнов. – МВУ-900 агрегаты менән  ужымдың гектарына 150 кг иҫәбенән аммиак селитраһы индерәбеҙ. Был эште МТЗ-82 тракторында   Илнур менән Филүс Ишмөхәмәтовтар башҡара. Уларҙан һуң “Зумлион” тракторында  БМР-8,7 агрегаты менән  Илназ Ғәзизов һәм БМР-6 агрегаты тағып “МТЗ-82”-лә  Рушан Ноғайғолов тырматып бара. Камил Сәйғафаров “Камаз” машинаһында, Айнур Мифтахов “Мерло” тейәгесендә  ашлама килтереп, агрегаттарға тейәп торалар. Беренсе  көндә 150 гектар баҫыуға ашлама индерелде.

Орлоҡ келәтендә дә ҡыҙыу эш бара.  Нуриман Кинйәбаев, Рәүеф Ғиззәтуллин һәм Данис Ишмөхәмәтов орлоҡ ағыулау менән мәшғүлдәр. 

Игенселәргә “Хәйерле сәғәттә!” тип, уңыштар теләргә генә ҡала.

Мәрхәбә СОБХАНҒОЛОВА.