“Өмөтлө ҡәләм” ижад бәйгеһенә йомғаҡ яһалды

25 апрелдә Красноусол үҙәк район китапханаһында “Өмөтлө ҡәләм – 2023” ижади бәйгеһенең сираттағы йомғаҡлау сараһы үтте. Унда абруйлы ҡунаҡтар – яҡташыбыҙ, яҙыусы, шағирә, Башҡортостан Республикаһының атҡаҙанған мәҙәниәт хеҙмәткәре, Салауат Юлаев ордены кавалеры, Һәҙиә Дәүләтшина, Жәлил Кейекбаев, Муса Гәрәев исемендәге премиялар лауреаты Гөлнур Яҡупова, “Аманат” журналының яуаплы секретары, яҡташыбыҙ Зөбәржәт Яҡупова, район мәғариф бүлегенең туған телдәр буйынса методисы Әлфиә Шаһиева, “Форсат” йәштәр үҙәге етәксеһе Рәшиҙә Килмөхәмәтова, үҙәкләштерелгән район китапханаһы мөдире, район ҡатын-ҡыҙҙар советы рәйесе Фәүзиә Зәйнуллина, “Табын” район гәзите ҡарамағында эшләп килгән “Мағаш тауышы” әҙәби берекмәһе етәксеһе Лилиә Миниязова, район “Ағинәй” йәмәғәт ойошмаһы етәксеһе урынбаҫары Рәмзиә Монасипова, район “Урал батыр мәктәбе” етәксеһе Гөлшат Вәлиеваның ҡатнашыуы ҙур мәртәбә булды.

Мәктәп уҡыусылары араһында Гөлнур Яҡупова призына “Табын” гәзите район мәғариф бүлеге менән берлектә ойошторған “Өмөтлө ҡәләм” конкурсы йылдан-йыл киңерәк ҡолас алып, быйыл да бәйгелә районыбыҙ мәктәптәренән һәләтле уҡыусылар ҡатнашты. Уҡыусыларҙың конкурсҡа ебәрелгән шиғырҙары “Табын” район гәзите биттәрендә донъя күрә барҙы. Уҡыусыларҙың әҫәрҙәрендә ихласлыҡ, ябайлыҡ, матурлыҡ сағылыш тапҡан.

Балаларҙың күңеленә ижад ойотҡоһо һалған, үҙендә түҙемлек, көс табып нисә йылдар ошо бәйгене алып килгән Гөлнур Миҙхәт ҡыҙына ижад байрамында ҡатнашыусылар рәхмәтле булып таралышты. Яңы шытым ебәргән ижадсыларҙың бер ваҡытта ла өмөттәре өҙөлмәһен, улар үҫеп сәскә атһын, киләсәктә лә илһамланып ижад итһендәр.

Сара тураһында тулыраҡ "Табын" гәзитенең алдағы һандарында уҡырһығыҙ.

“Өмөтлө ҡәләм” ижад бәйгеһенә йомғаҡ яһалды

Автор:Альфия Валиева

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59