+28 °С
Болотло
Барыһы ла Еңеү өсөн
26 Август 2025, 10:16
Изге эшкә балалар ҙа ҡушылған
Красноусол ауылында махсус хәрби операциялағы яугирҙарға ярҙам ойоштороу йәһәтенән “Ышаныслы тыл” ойошмаһы ирекмәндәренең әүҙем эшмәкәрлеге хаҡында әленән-әле яҙып торабыҙ. Ошо көндәрҙә улар 243-се һаҡселтәрҙе үреп бөтөп, алғы һыҙыҡҡа ебәрергә әҙерләп, бөгөн инде иртә таңдан сираттағыһын үрә башланы.
Изге эшкә балалар ҙа ҡушылған
Шуныһы һөйөнөслө, “Ышаныслы тыл” ирекмәндәренә яңы көс булып, изге эшкә балалар ҙа ихлас ҡушылды.
- Балалар бигерәк отҡор икән, селтәр үрергә тиҙүк өйрәнделәр, ярҙамсылар килгәс эшебеҙ ҙә ырамлыраҡ бара,- ти ирекмәндәр ойошмаһы етәксеһе Миннисара Заһиҙуллина. – Риана Ғәзизова, Алина Байшөгөрова (3-сө мәктәп), Ильвина Кәримова, Эмиль Кәримов (КГБИ) менән ҡунаҡ ҡыҙҙар Соня Байшөгөрова (Наумовка) менән Илина Клявлинаға (Ауырғазы) ярҙамдары өсөн рәхмәт әйтеп, уҡыуҙарында уңыштар теләйбеҙ һәм уларҙан өлгө алып, башҡалар ҙа ирекмәндәр сафына баҫыр тип ышанабыҙ.
Был уҡыусы балаларға “Афарин” тип әйтергә генә ҡала.
Мәрхәбә Собханғолова.
Изге эшкә балалар ҙа ҡушылған
