Мәктәп автобуслы булды

3 августа 41 мәктәп автобусы республика райондарына юлланды. Быйыл был программаға республиканан 106 млн һум, тағы ла 142 млн һум федераль бюджеттан бүленгән. Яңы мәктәп автобустары иҫкеләрен алыштырып уҡыусылар өсөн яңы маршруттар асырға булышлыҡ итә, балаларҙы мәктәпкә, олимпиадаларға, спорт ярыштарына йөрөтөргә мөмкинлек бирә.

Өр-яңы автобус Красноусолдағы 3-сө мәктәпкә лә бүленде. Автобус асҡысын мәктәп директоры А.С.Рудкевичҡа Өфөлә “Торатау” Конгресс-холы алдындағы майҙанда Башҡортостан Башлығы
Радий Хәбиров үҙе тапшырған.
Мәктәп директоры Андрей Сергеевич әйтеүенсә, быға тиклем мәктәптең үҙ автобусы булмаған. Хәҙер мәктәпкә Һабантуй, Сахалин биҫтәләренән йөрөп уҡыусы 54 баланы көнөнә 3 тапҡыр – иртән, төш һәм кис йөрөтәсәктәр.
Заманса йыһазландырылған 20 кешегә иҫәпләнгән “Газель Next” автобусын тәжрибәле водитель Кәшәфетдин Миңлеғәле улы Зәйнуллинға ышанып тапшырғандар. Хәҙер үҙ транспортыбыҙ булғас, ярыш, конкурстарға, олимпиадаларға ла йөрөү ҙә артыҡ мәшәҡәт тыуҙырмаясаҡ, тип шатлығы менән уртаҡлашты мәктәп директоры.

Мәктәп автобуслы булды

Автор:Гульдар Кинзябаева

Читайте нас в

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59