Ҡыҙыҡлы һәм файҙалы осрашыу булды

Агротехнология һәм урман хужалығы факультеты преподавателе Юлия Ғәниева балаларға ялан һәм баҡса сәскәләренән матур композициялар төҙөү серҙәрен аңлатты, ландшафт дизайны нескәлектәре менән таныштырҙы. Балалар Юлия Алексеевнаны ҡыҙыҡһынып тыңланы, ялан сәскәләренән төрлө композициялар төҙөргә өйрәнде һәм һәр береһе күңеленә оҡшағанса гөлләмә йыйҙы.

Шулай уҡ ветеринария буйынса оҫталыҡ дәресе лә мауыҡтырғыс булды. Биотехнология һәм ветеринария медицинаһы факультеты преподавателе Илдар Ғәтиәтуллин ҡабул итеү ваҡытында кроликты нисек ҡарауҙарын күрһәтеп, беренсе сиратта нимәләргә иғтибар итергә кәрәклеген аңлатты. Ҡыҙыҡһыныусылар кроликтың йөрәк тибешен тыңланы, пульсын тикшереп, температураһын да үлсәп ҡараны. Шулай уҡ төрлө хайуандар муляждарында яраны тегеү, тәүге ярҙам күрһәтеү үҙенсәлектәре менән дә танышты.

Илдар Рәфис улы ла балаларҙа ҙур ҡыҙыҡһыныу уятты. Балалар хайуандар тормошона бәйле төрлө һорауҙар бирҙе, ветеринар табип һөнәренең нескәлектәренә төшөндө.

Мәктәптәрҙә бындай сараларҙы йышыраҡ үткәрергә кәрәктер, сөнки тап ошондай осрашыуҙар балаларҙа тәбиғәткә һөйөү уята, һөнәр һайлауҙа ла мөһим роль уйнаясаҡ.

- Шуны ла билдәләп үтергә кәрәк, Красноусолдағы 2-се урта мәктәп икенсе йыл инде “Сириус. Йәй. Үҙ проектыңды башла” программаһында ҡатнаша. Был проект уҡыусыларҙың фән, технология, бизнестың көнүҙәк, заманса проблемалары менән бәйле проект эше өсөн тема таба алыуына, шулай уҡ уны аңларға ярҙам итәсәк һәм проект дауамында уҡыусыны оҙатып барасаҡ остазға йүнәлтелгән. Был проект балаларға юғары уҡыу йорто уҡытыусылары һәм студенттары етәкселегендә Өфө фән һәм технологиялар университетының Стәрлетамаҡ филиалының биология кафедраһы лабораторияһында бер нисә агротикшеренеү үткәрергә мөмкинлек бирҙе. Был тәжрибә балалар өсөн айырыуса мөһим булды! Уҡыусыларҙың әүҙем ғилми-тикшеренеү эшмәкәрлеге уларҙың танып белеү ҡыҙыҡһыныуын үҫтерергә, уларҙы фәнни-техник ижадҡа һәм инновацион проекттарҙы тормошҡа ашырыуға йәлеп итергә, мәктәптәрҙә һәм юғары уҡыу йорттарында ошондай мөһим йүнәлешкә булышлыҡ иткәне өсөн республиканың хәҙерге етәкселегенә рәхмәт, - тине Красноусолдағы 2-се мәктәптең химия һәм биология уҡытыусыһы Һәм «Агрокластар» проекты кураторы Әлиә НИҒӘМӘТЙӘНОВА.

 Күптән түгел хөкүмәттәге кәңәшмәләрҙең береһендә Радий Хәбиров «һуңғы йылдарҙа иҡтисадыбыҙҙы нығытыуҙа, цифрлаштырыуҙа һәм илдең технологик суверенитетын тәьмин итеүҙә фәндең роле ни тиклем үҫеүен күрәбеҙ. Һис шикһеҙ, төбәктең идара итеү командаһы өсөн ғилми-тикшеренеү эштәренә ярҙам итеү - мөһим бурыс», - тип билдәләне. Төбәк етәксеһенең тап ошондай эҙмә-эҙлекле һәм ныҡышмалы эше арҡаһында республиканың юғары уҡыу йорттары донъя фәне картаһында күренеп тора башланы (хәтерегеҙгә төшөрәбеҙ, республикала хәҙер донъя кимәлендәге Европа фәнни - белем биреү үҙәге булдырыла, бер нисә юғары уҡыу йортон берләштереү һөҙөмтәһендә Өфө фән һәм технологиялар университеты барлыҡҡа килде, Шулай уҡ Ҙур федераль проект-ЕВРАЗИЯ НОЦ -. юғары уҡыу йорттары араһындағы кампусы тормошҡа ашырыла. Уны асыу тантанаһында Рәсәй президенты Владимир Путин ҡатнашты. Өс тиҫтәгә яҡын төрлө яңы ғилми лабораториялар эшләй, уларҙың эшләнмәләре һәм ҡаҙаныштары уларҙы илдең иң алдынғы шундай уҡ учреждениелары менән бер рәттән ҡуя. Башҡортостан ғалимдарының, бигерәк тә йәш ғалимдарҙың, төбәк етәкселеге яғынан башҡа ғилми ҡаҙаныштары ла иғтибарһыҙ ҡалмай, республика биләмәһендә бер юлы бер нисә ҙур федераль ғилми проект тормошҡа ашырыла, фәнни тармаҡтың һәләтле вәкилдәренә грант ярҙамы системаһы һөҙөмтәле эшләй. Ниһайәт, һуңғы биш йыллыҡта Башҡортостан юғары уҡыу йорттарының матди-техник базаһы әүҙем нығытыла. Башҡортостан Республикаһында фән һәм мәғарифты үҫтереү артабан да өҫтөнлөклө йүнәлештәрҙең береһе булып ҡаласаҡ. Волга буйы федераль округы субъекттары араһында йәштәр һаны буйынса иң күп булған төбәк өсөн (1 миллион 85 мең кеше) был бик яҡшы яңылыҡ.

Мәрхәбә Собханғолова.