Уҙған уҡыу йылына йомғаҡ яһалды, яңыһына старт бирелде

 Пленар өлөш башланыр алдынан БР Дәүләт Йыйылышы - Ҡоролтай депутаты, БР Дәүләт Йыйылышы – Ҡоролтайҙың гражданлыҡ йәмғиәте институттарын үҫтереү, мәғлүмәт сәйәсәте һәм дин эштәре буйынса комитеты рәйесе Рөстәм Ишмөхәмәтов, БР ветеринария идаралығы начальнигы Азат Йыһаншин, район хакимиәте башлығы Фәнзил Сыңғыҙов, район Советы, район башҡорттары ҡоролтайы рәйесе Фаил Зәйнетдинов һәм башҡалар фойела район мәктәптәре, балалар баҡсаларының грант һәм башҡа конкурстарҙа ҡатнашып, еңеү ҡаҙаныштары хаҡында һәм  патриотик темаға арналған бай йөкмәткеле методик күргәҙмәләре менән танышты.

Абруйлы ҡунаҡтарҙың сығыштары райондың иң яҡшы педагогтарын төрлө кимәлдәге дәүләт наградалары, Маҡтау грамоталары, Рәхмәт хаттары менән бүләкләү аша сиратлаша барҙы. Шунда уҡ педагогтар һәм мәктәптәр араһында район конкурстары еңеүселәре һәм призерҙар билдәләнеп, йомғаҡ яһалды һәм дәртләндерелде. Тулыраҡ мәғлүмәт - гәзиттең киләһе һанында.