Яңы уҡыу йылын - яңы уй-хыялдар менән

Красноусолдағы 1-се мәктәптә уҡыусылар квадрокоптер менән эшләргә өйрәнәсәк 2 сентябрь, бар белем усаҡтарын шатлыҡлы тауыштарға күмеп, мәктәптәр үҙ ишектәрен асты. Кемдер тәү тапҡыр мәктәп ишеген асып инһә, икенселәр белем үрҙәренең яңы баҫҡысына күтәрелә. Районыбыҙҙың иң ҙур мәктәптәренең береһе булған Красноусолдағы 1-се урта мәктәптә 700 бала белем алһа, шуларҙың 66-һы быйыл беренсе тапҡыр беренсе класҡа килгән. Быйыл башҡа уҡыу йылдарынан айырмалы рәүештә, был мәктәптә пилотһыҙ осоу аппараттары (БПЛА) менән эшләргә өйрәнеү өсөн махсус класс асылды. Балаларҙы техника серҙәренә өйрәтеү өсөн класс технологиялы ҡорамалдар менән йыһазландырылған.

Был сарала район хакимиәте башлығы Фәнзил Фәйез улы Сыңғыҙов, “Красноусол” шифаханаһының генераль директоры Рәмил Рафаил улы Бәҙретдинов, Өфө фән һәм технологиялар университетының Стәрлетамаҡ филиалы колледжы мөдире урынбаҫары Наталья Николаевна Суханова, Өфө ҡалаһының “Аврора” таланттарҙы үҫтереү үҙәгенең өҫтәлмә белем биреү педагогы Рөстәм Фәрид улы Мулеев, район мәғариф бүлеге етәксеһе вазифаһын башҡарыусы Алина Фаил ҡыҙы Ҡунафина һәм мәктәп уҡытыусылары, уҡыусылар ҡатнашты. Уны район мәҙәниәт һарайы хеҙмәткәрҙәре Рәүилә Йәнтүрина һәм Фәнзил Ғәлин йәнле итеп алып барҙы.

Мәктәп директоры Галина Петрова барыһын да бөгөндән уҡыусылар шөғөлләнә башлаясаҡ ҡорамалдар менән таныштырҙы. Иң һуңынан Өфө фән һәм технологиялар университетының Стәрлетамаҡ филиалы колледжы хеҙмәткәрҙәре алып килгән квадрокоптер менән идара итергә өйрәтеү оҫталыҡ дәресен ҡаранылар.

Быйыл 1-се мәктәп уҡыусылар квадрокоптер менән эшләргә лә өйрәнәсәк, заманса ҡорамалдарҙың серҙәренә лә төшөнәсәк.

Яңы уҡыу йылын - яңы уй-хыялдар менән

Автор:Альфия Валиева

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59