Уҡыусыларҙың олимпиада һөҙөмтәләре

Уның маҡсаты - йәш һәләттәрҙе асыҡлау һәм мөмкин тиклем күберәк мәктәп уҡыусыларын интеллектуаль эшмәкәрлеккә йәлеп итеү, уларҙың һәләттәрен үҫтереүҙә һәм хәҙерге заманда илебеҙгә кәрәкле буласаҡ юғары квалификациялы белгестәр булараҡ формалашыуҙа ярҙам күрһәтеү.
Бөтә Рәсәй уҡыусылар олимпиадаһы дүрт этапта үткәрелә: мәктәп, муниципаль, төбәк һәм йомғаҡлау. Уҙған уҡыу йылында Бөтә Рәсәй уҡыусылар олимпиадаһының мәктәп этабында 5483 уҡыусы ҡатнашты (2023-24 йылдарға ҡарағанда 215 уҡыусыға күберәк), шуларҙың 1896-һы (2023-24 йылдарға ҡарағанда 2 уҡыусыға күберәк) еңеүсе һәм призёр булды.
Быйыл Бөтә Рәсәй уҡыусылар олимпиадаһының муниципаль этабы көндөҙгө форматта үтте. Һынауҙар федераль компоненттың 19 дөйөм белем биреү предметы буйынса үткәрелде. 1126 уҡыусы ҡатнашты (былтырғы уҡыу йылына ҡарағанда 205 уҡыусыға күберәк). Шуларҙың 51-е - еңеүсе һәм 156-һы - призёрҙар (бер йыл элеккегә ҡарағанда 50-гә күберәк).
Муниципаль этапта ҡатнашыусыларҙың иң күп өлөшө Красноусолдың 2-се урта дөйөм белем биреү мәктәбенән (217), ә иң әҙе Сәйетбаба урта дөйөм белем биреү мәктәбенән (1 кеше).
Һигеҙ мәктәптә: Еҙем-Ҡаран, Ҡауарҙы, Ҡарағай, Имәндәш, Игенйылға, Курорт, Үзбәк, Юлыҡ ауылы урта дөйөм белем биреү мәктәптәрендә быйыл муниципаль этапта еңеүселәр һәм призёрҙар юҡ (уҙған йылға ҡарағанда 3 ҡатнашыусыға күберәк).
Дөйөм алғанда, мәктәптәрҙә биш предмет буйынса: йәмғиәтте өйрәнеү, физика, хеҙмәт, күҙәтеү һәм рус теленән - балдар буйынса төбәк этабына үтәсәк еңеүселәр һәм призёрҙар юҡ.
Бөтә Рәсәй уҡыусылар олимпиадаһы еңеүселәре һәм призёрҙары һаны буйынса беренсе урында Красноусолдағы 2-се мәктәп - 52 уҡыусы; икенсе урында Красноусол башҡорт гимназия-интернаты - 36; өсөнсө урында 3-сө мәктәп - 29; дүртенсе урында 1-се мәктәп - 14; бишенселә Табын мәктәбе - 9; алтынсыла Аҡкүл - 6; етенселә Яңғыҙҡайын - 5; һигеҙенселә Бурлы мәктәбе - 4; туғыҙынсыла - Мораҡ һәм Йөҙимән урта дөйөм белем биреү мәктәптәре – 2-шәр һәм унынсы урында - Сәйетбаба урта дөйөм белем биреү мәктәбе - 1 уҡыусы.
Бөтә Рәсәй уҡыусылар олимпиадаһы киләһе төбәк этабына беҙҙең райондан 32 уҡыусы саҡырыу алды: 2-се урта дөйөм белем биреү мәктәбенән - 15; 1-се урта дөйөм белем биреү мәктәбенән - 8; КБГИ-нан - 6, Табын ауылы урта дөйөм белем биреү мәктәбенән - 2 һәм 3-сө урта дөйөм белем биреү мәктәбенән - 1 кеше. 25 бала ҡатнашып (уҙған уҡыу йылына ҡарағанда 7-гә күберәк), уларҙың 10-ы призёр булды. Улар - 2-се урта мәктәп уҡыусылары: Даниил Никифоров, Даниил Садиҡов, Илдан Баҡыев (химия, етәкселәре - Әлиә Ниғәмәтйәнова), Анастасия Кузьмина (рус теле, етәксеһе - Любовь Яковлева), Сыңғыҙ Насиров (хоҡуҡ, етәксеһе - Людмила Пухова) һәм Екатерина Кулагина (география, етәксеһе - Ләлә Абдуллина); КБГИ уҡыусылары: Нургизә Исҡужина (итальян теле, етәксеһе - Рәзинә Юнысова) һәм Динар Ғайсин (биология, етәксеһе - Ирина Вафина); 1-се урта мәктәп уҡыусылары: Дарья Кленова (әҙәбиәт, етәксеһе - Елена Степанова) һәм Ульяна Епифанова (инглиз теле, етәксеһе - Ирина Егорова).
Шуныһы иғтибарға лайыҡ, олимпиадала лайыҡлы ҡатнашыусыны әҙерләү өсөн уҡытыусыларға байтаҡ көс һәм ваҡыт һалырға тура килә. Сөнки дәрестәр нигеҙҙә уртаса уҡыусыларға йүнәлтелгән, шуға күрә олимпиада предметты тәрән һәм етди өйрәнеү өсөн генә түгел, ә уҡыусының индивидуаль һәм ижади һәләттәрен, фекерләү һәм үҙаллылығы өсөн этәргес көс тә, шулай уҡ уҡытыусының үҙ предметына һөйөүен, тырышлығын һәм тотороҡло ҡыҙыҡһыныуын күрһәтеү мөмкинлеге лә булып тора.
Олимпиада һәр уҡытыусыға үҙ эшенең һөҙөмтәләрен баһаларға, ауырлыҡтарҙы һәм етешһеҙлектәрҙе еңеп сығыу юлдарын табырға, артабан хеҙмәттәшлек итеү өсөн дәрт уятырға, үҙ предметын танып белеү ҡоралы һәм аралашыу сараһы итеп ҡулланырға мөмкинлек бирә.
Балаларҙы һәм уларҙың остаздарын ҡотлайбыҙ! Яңы еңеүҙәр теләйбеҙ!
Айҙар РАФИҠОВ,
район мәғариф бүлеге
начальнигы вазифаһын башҡарыусы.