+6 °С
Болотло
Бөтә яңылыҡтар
Мәҙәниәт һәм әҙәбиәт
27 Март , 15:25
“Башҡортостан – рухым ҡиблаһы” китабының исем туйы
Бөгөн район китапханаһының уҡыу залында тынғыһыҙ ижадсы, шағирә, яҙыусы, тәржемәсе, Башҡортостан Республикаһының атҡаҙанған мәҙәниәт хеҙмәткәре, Һәҙиә Дәүләтшина исемендәге дәүләт премияһы, Жәлил Кейекбаев һәм Муса Гәрәев исемендәге премиялар лауреаты, Салауат Юлаев ордены кавалеры, Башҡортостандың халыҡ яҙыусыһы, яҡташыбыҙ Гөлнур Миҙхәт ҡыҙы Яҡупованың “Башҡортостан – рухым ҡиблаһы” исемле китабының исем туйы үтте. Унда район хакимиәте башлығының социаль мәсьәләләр буйынса урынбаҫары Гүзәл Байдәүләтова, район мәҙәниәт бүлеге етәксеһе Эльвира Сабирова, район китапханасылары һәм башҡалар ҡатнашты.
“Башҡортостан – рухым ҡиблаһы” китабының исем туйы
Илһөйәрлек, телһөйәрлек менән һуғарылған сарала Гөлнур Миҙхәт ҡыҙы ижад серҙәре менән уртаҡлашты һәм ҡунаҡтарҙы шиғриәт донъяһына алып инде. “Башҡортостан – рухым ҡиблаһы” китабының исем туйы йылы, рухлы мөхиттә уҙып, һәр беребеҙҙең күңелендә онотолмаҫ бай тәьҫораттар ҡалдырҙы. Унда ҡатнашыусылар китапҡа ингән һәр әҫәр шиғриәтебеҙҙең балҡышы, йөҙөк ҡашы булып балҡыһын, ә авторға ныҡлы һаулыҡ, ижади уңыштар теләп таралышты.
“Башҡортостан – рухым ҡиблаһы” китабының исем туйы
Новости партнеров