Матур осрашыу булды

Сараның маҡсаты – Башҡортостан Яҙыусылар союза тарфынан урындарҙа ижад итеүселәргә методик ярҙам күрһәтеү, бөгөнгө әҙәбиәт-шиғриәттең торошо, әҙәби тәнҡит тураһында һөйләшеү ине.

БР Яҙыусылар союзының Аҡһаҡалдар ҡоро башлығы Ғ.С.Ҡунафиндың һүҙ көсө, һүҙҙең берләштереүсе лә, тарҡатыусы ла була алыуы, ә һүҙ менән эш итеүсе әҙәбиәт иңендә заманының рухи үҫеше өсөн ҙур яуаплылыҡ ятыуы һәм башҡа мөһим мәлдәр тураһында төплө сығышы, Яҙыусылар союзының әҙәби тәнҡит секцияһы етәксеһе Фәнзил Санъяровтың әҙәби тәнҡитсе - яҙыусы менән уҡыусы араһында күпер һалыусы тип билдәләп, һуңынан районыбыҙ авторҙарының шиғырҙарына анализ яһауын, кәңәштәр биреүен сараға килеүселәр йотлоғоп тыңланы. Салауат Кәримов милли телдә сыҡҡан ваҡытлы матбуғатты, китаптарҙы, әҙәбиәтте һаҡлау телебеҙҙе, милләтебеҙҙе һаҡлауҙың тура юлы тип билдәләне.

Осрашыу бик йәнле, емешле үтте.

Сара хаҡында тулыраҡ “Табын” гәзитендә яҙыласаҡ.