Клуб юҡ тип торманыҡ

Район мәҙәниәт һарайынан бер төркөм артистар: Рәзилә Хәбибуллина, Эльвира Насирова, Хызыр Нәзиров, Гөлфирә Бәширова (ауылыбыҙ килене), Фәнзил Ғәлин, тауыш операторы Радик Иҫәнғәлин килеп, байрамыбыҙға йәм һәм йән бирҙеләр. Улар шаян һүҙҙәр һөйләп, күңелле уйындар уйнатып, ауылдаштарыбыҙҙы көлдөрөп, моңло йырҙары менән йыр-моңға һыуһаған халыҡтың күңелдәрен күтәреп, дәрт-дарман биреп һөйөндөрҙөләр. Беҙҙең саҡырыуҙы ҡабул итеп, концерт ҡуйғандары өсөн уларға яратҡан “Табын” гәзите аша ҙур рәхмәттәребеҙҙе еткерәбеҙ.