+19 °С
Болотло
Антитеррор
Бөтә яңылыҡтар
Яңылыҡтар
20 Июнь 2019, 11:26

Эш урындары өсөн - субсидия

“Бәләкәй һәм урта эшҡыуарлыҡ һәм шәхси эшҡыуарлыҡ башланғыстарына булышлыҡ итеү” милли проекты республикала әүҙем тормошҡа ашырыла.


Башҡортостандың Эшҡыуарлыҡ һәм туризм буйынса дәүләт комитеты рәйесе вазифаһын башҡарыусы Римма Бойцова әйтеүенсә, хеҙмәт урындары булдырған өсөн республикалағы бәләкәй һәм урта эшҡыуарҙарҙың йыл башынан инвестиция маҡсатында алынған кредитының процент ставкаһы өлөшөн ҡапларға ярҙам итәсәктәр. Был субсидияның күләме эш урындарының иҫәбенә бәйле.


Милли проектҡа ярашлы булдырылған башланғыс, һис шикһеҙ, халыҡтың мәшғүллеген тәьмин итеүгә үҙ өлөшөн индерәсәк. Эшҡыуар бер хеҙмәт урыны өсөн – 100 мең һумға тиклем, ә ун һәм унан ашыу икән, 1 миллион самаһы субсидия аласаҡ, тине агентлыҡ етәксеһе.


“Бәләкәй һәм урта эшҡыуарлыҡ, шәхси эшҡыуарлыҡ башланғыстарына булышлыҡ итеү” милли проекты үҙ эсенә 5 федераль проектты ала. Улар йүнселлек эшмәкәрлеген алып барыу шарттарын яҡшыртыу; бәләкәй һәм урта эшҡыуарлыҡ субъекттарын финанс ресурстарға, шул иҫәптән ташламалы финанслауға индереүҙе киңәйтеү; бәләкәй һәм урта эшҡыуарлыҡ субъекттарын йылдам үҫтереү; фермерҙарға ярҙам системаһын булдырыу һәм ауыл кооперацияһын үҫтереү; эшҡыуарлыҡты популярлаштырыу йүнәлештәрен тормошҡа ашыра.
#нацпроекты#региональныепроекты

Читайте нас: