Ил Президенты Иркутск өлкәһендә

Иркутск өлкәһенең Братск ҡалаһында Владимир Путин ташҡын эҙемтәләрен бөтөрөү, төбәкте борсоған мәсьәләләр буйынса ҙур кәңәшмә уҙғарҙы.

Шулай уҡ ул һыуҙан зыян күргән райондарҙы үҙе барып күрҙе, торлаҡтарын юғалтҡан кешеләр менән осрашты.

Һуңғы мәғлүмәттәр буйынса, өлкәне һыу баҫыу һөҙөмтәһендә 25 кешенең ғүмере өҙөлгән, 38 мең кеше зыян күргән, 107 тораҡ пункт, шул иҫәптән 11 мең йорт һыу аҫтында ҡалған. Әле емереклектәр таҙартыла, хәрбиҙәр 57 гектар майҙанды сүп-сарҙан азат итеп, биләмәне зарарһыҙландырған. Йәшәүгә яраҡһыҙ йорттар һүтелә, дүрт һыу бүлгесте төҙөкләндергәндәр.

#ВладимирПутин