Милли проект – һанлы иҡтисадты үҫтереүгә

“Рәсәйҙең һанлы иҡтисады” милли проектының “Һанлы мөхитте норматив көйләү” федераль проекты паспорты раҫланды.

Уның маҡсаты – һанлы иҡтисадты хоҡуҡи көйләү системаһын булдырыу, ошо тармаҡтағы технологиялар базаһында граждандар өсөн уңайлы әйләнеш булдырыу.

Федераль проект паспортында милли проекттың тормошҡа ашырылыу ваҡыты, бурыстар исемлеге, ҡаҙанылырға тейешле һөҙөмтә, йылдар буйынса финанс тәьминәт күләме һ.б. күрһәтелгән.

Һанлы иҡтисад формалаштырыу – Рәсәйҙең милли хәүефһеҙлеге нигеҙе. Был хаҡта Президент Владимир Путин Стратегик үҫеш һәм өҫтөнлөклө проекттар буйынса совет ултырышында белдерҙе.

“Һанлы иҡтисад айырым өлкә түгел, ә асылда йәшәү рәүеше, дәүләт идараһын, иҡтисадты, бизнесты, социаль тармаҡты, тотош йәмғиәтте үҫтереү өсөн яңы нигеҙ, – тине Владимир Путин. – Һанлы иҡтисад булдырыу – Рәсәйҙең милли хәүефһеҙлеген һәм бойондороҡһоҙлоғон, Ватан компанияларының конкуренцияға һәләтлелеген тәьмин итеү”.

#нацпроекты