-8 °С
Ҡар
Антитеррор
Бөтә яңылыҡтар
Новости
25 Июль 2019, 02:11

Балалы ғаиләләргә социаль ярҙам

Яҡын арала Рәсәй ҡануниәтендә балалар пособиеһы тураһындағы яңы законды ҡабул итеү процедураһына старт биреләсәк.

Яҡын арала Рәсәй ҡануниәтендә балалар пособиеһы тураһындағы яңы законды ҡабул итеү процедураһына старт биреләсәк.
Уға ярашлы 1,5 йәштән 3 йәшкә тиклемге балалар пособиеһының күләме 200 тапҡырға - 50 һумдан 10 000 һумға тиклем артасаҡ. Бындай артыу һуңғы 25 йылда тәүге тапҡыр. Рәсәй Президенты Владимир Путин ата-әсәләргә социаль ярҙамдың артыуын гарантиялағайны инде. Хөкүмәттә пособие артыуҙың закон проекты әҙерләнгән. Ул 2020 йылдың 1 ғинуарынан бойомға ашырыла башлар тип көтөлә. Яңы пособиены 1,5 йәштән 3 йәшкә тиклемге бала ҡараған, уның һәр ағзаһына 2 йәшәү минимумынан кәмерәк килеме булған ғаиләләр аласаҡ. Пособие беренсе һәм икенсе балаға ғына түләнәсәк.
Бынан тыш, ағымдағы йылдың 1 июленән инвалид бала тәрбиәләү сәбәпле эшләй алмаусы хеҙмәткә яраҡлы ата-әсәләргә түләнгән компенсация күләме лә һиҙелерлек артасаҡ.
#ВладимирПутин

Читайте нас в