-18 °С
Болотло
Антитеррор
Бөтә яңылыҡтар
Новости
29 Июль 2019, 22:05

Автобустар паркы яңыра

Бөгөн “Башавтотранс” паркы тағы алты автобусҡа артты. Быға тиклем предприятиеға 20 яңы автобус асҡысы тапшырылғайны. Республиканың автобустар паркы Башҡортостан Башлығы вазифаһын ваҡытлыса башҡарыусы Радий Хәбировтың ҡушыуы буйынса яңыртыла.

Бөгөн “Башавтотранс” паркы тағы алты автобусҡа артты. Быға тиклем предприятиеға 20 яңы автобус асҡысы тапшырылғайны. Республиканың автобустар паркы Башҡортостан Башлығы вазифаһын ваҡытлыса башҡарыусы Радий Хәбировтың ҡушыуы буйынса яңыртыла.


Был автобустар баш ҡалабыҙҙы төрлө район-ҡалалар менән “тоташтырасаҡ”. Шоферҙар Рифҡәт Гәрәев, Илүс Әхмәҙуллин, Сергей Дятлов, Александр Новиков, Фидаил Шәйхәйҙәров һәм Илдар Камилйәнов өсөн ҡыуаныслы көн. Ни тиһәң дә, улар пассажирҙарҙы яңы автобустарҙа хеҙмәтләндерә башлаясаҡ.

Автобустың “Камминз Евро-5” двигателе 270 ат ҡеүәтенә эйә. Ул эстән дә, тыштан да мәғлүмәт системалары менән йыһазландырылған. Бынан тыш, ике багаж бүлексәһе, ҡышҡыһын салонды йылытыу өсөн кондиционер бар.


Башҡортостандың Транспорт һәм юл хужалығы буйынса дәүләт комитеты рәйесе Тимур Мөхәмәтйәновтың һүҙҙәренә ҡарағанда, республика тарафынан тағы 350 автобус һатып алынасаҡ.
Читайте нас в