Мөнәсәбәттәр яҡшырыу билдәһе тип баһаланды

Рәсәй һәм АҠШ президенттарының телефон аша әңгәмәһе американдар башланғысы менән ойошторолдо.

Дональд Трамп Путинға Себер биләмәһендә урман янғындарын һүндереүҙә ярҙам тәҡдим итте. Владимир Путин янғындарға ҡаршы көрәш алып барыусы ҡеүәтле авиация төркөмө барлығын белдерҙе. Ҡайһы бер ауырлыҡтар бар, әммә улар яйлап хәл ителә, тине Рәсәй етәксеһе. Ул Трампҡа бындай иғтибарлы мөнәсәбәте өсөн рәхмәт белдерҙе һәм кәрәк булғанда АҠШ президентының тәҡдиме менән файҙаланасағын әйтте. Рәсәй лидеры Дональд Трамптың тәбиғәт бәлә-ҡазалары менән көрәштә ярҙам итеү теләген киләсәктә илдәр араһындағы мөнәсәбәтте яҡшыртыу билдәһе итеп баһаланы.

#ВладимирПутин