-18 °С
Болотло
Антитеррор
Бөтә яңылыҡтар
Новости
13 Август 2019, 23:08

Һәләтле балалар өсөн белем биреү үҙәге

Башҡортостан Башлығы вазифаһын ваҡытлыса башҡарыусы Радий Хәбиров Хөкүмәттә үткәргән оператив кәңәшмәлә “Мәғариф” милли проектының үтәлеше тикшерелде.

Башҡортостан Башлығы вазифаһын ваҡытлыса башҡарыусы Радий Хәбиров Хөкүмәттә үткәргән оператив кәңәшмәлә “Мәғариф” милли проектының үтәлеше тикшерелде.


Башҡортостандың мәғариф министры вазифаһын башҡарыусы Айбулат Хажин билдәләүенсә, милли проекттың төп маҡсаттарының береһе – яңы мәктәптәр һәм балалар баҡсалары төҙөү, уларҙың матди-техник базаһын яҡшыртыу, ошолар менән бер рәттән һәр бала реаль уңышҡа өлгәшһен өсөн ҙур тырышлыҡ һалыу.


“Һәр баланың уңышы” федераль проектына ярашлы, Башҡортостан федераль бюджеттан 211, 4 миллион һум күләмендә субсидия алған. Ул аҡса “Сириус”ҡа оҡшаған һәләтле балалар өсөн белем биреү үҙәген төҙөүгә тотоноласаҡ. Уның эшмәкәрлеге фән, сәнғәт, спорт һәм бүтән өлкәләрҙә балаларҙың һәм йәштәрҙең һәләтен асыҡлау һәм үҫтереүҙән торасаҡ.


Айбулат Вәкил улы әйтеүенсә, “Мәғариф” милли проектын тормошҡа ашырыуҙың һөҙөмтәһе – 2019 йылда 6 501 урынлыҡ 21 яңы мәктәп асыласаҡ. Радий Хәбиров эштәрҙең тулы үтәлешен күҙәтеп барырға ҡушты.

#национальныепроекты;

#нацпроекты

Читайте нас в