Путин Францияла

Рәсәй Президенты Владимир Путин Марсельға килде. Франция Президенты Эмманюэль Макрон менән осрашыу Брегансон фортында Макрондың резиденцияһында үтә.

Путиндың халыҡ-ара эштәр буйынса ярҙамсыһы Юрий Ушаков әйтеүенсә, осрашыуҙың көн тәртибендә ике ил араһындағы мөнәсәбәттәрҙән тыш, Рәсәй - Европа мөнәсәбәттәре лә бар. Шулай уҡ улар Ливия, Сирия, Украина һәм Ирандағы хәлдәр тураһында ла фекер алышасаҡ. Биш көндән G7 саммиты башлана. Франция - уның рәйесе.

#ВладимирПутин