+17 °С
Ясна
Антитеррор
Бөтә яңылыҡтар
Яңылыҡтар
19 Сентябрь 2019, 14:20

Радий Хәбиров рәсми рәүештә Башҡортостан Башлығы вазифаһына инде

Бөгөн, 19 сентябрҙә, Өфөлә Радий Хәбировтың Башҡортостан Башлығы вазифаһына инеү тантанаһы үтте.

Бөгөн, 19 сентябрҙә, Өфөлә Радий Хәбировтың Башҡортостан Башлығы вазифаһына инеү тантанаһы үтте. Хәтерегеҙгә төшөрәбеҙ, һайлау йомғаҡтары буйынса, Башҡортостан һайлаусыларының 82,02 проценты ғәмәлдәге республика етәксеһе өсөн тауыш бирҙе. Республиканың Үҙәк һайлау комиссияһы рәйесе Илона Макаренко тағы бер тапҡыр һайлауҙың рәсми һөҙөмтәләрен уҡып ишеттерҙе. Ул Радий Хәбировҡа Башҡортостан Башлығы танытмаһын тапшырҙы. Инаугурация тантанаһы ваҡытында республика Башлығы ант ҡабул итте.
«Башҡортостан Башлығы вәкәләттәрен тормошҡа ашырғанда Башҡортостан Республикаһының күп милләтле халҡына тоғро хеҙмәт итергә, уның дәүләтселеген нығытырға һәм яҡларға, Рәсәй Федерацияһы Конституцияһын һәм Башҡортостан Конституцияһын үтәргә, кеше һәм граждандың хоҡуҡтарын, азатлығын гарантияларға ант итәм», - тине Радий Хәбиров.
Ант республиканың ике дәүләт телендә – русса һәм башҡортса әйтелде. Ошо мәлдән Радий Хәбиров рәсми рәүештә республика Башлығы вазифаһына инде.
Инаугурация тантанаһында Рәсәй Президентының Волга буйы федераль округындағы Тулы хоҡуҡлы вәкиле Игорь Комаров, Башҡортостандың беренсе президенты Мортаза Рәхимов, Башҡортостандың элекке башлығы Рөстәм Хәмитов, Дәүләт Йыйылышы депутаттары, хөкүмәт ағзалары, муниципалитеттар башлыҡтары, йәмәғәтселек вәкилдәре ҡатнашты.
Радий Хәбиров рәсми рәүештә вазифаға ингәндән һуң республика хөкүмәте отставкаға сыҡты.
Инаугурация тантанаһынан һуң Радий Хәбиров Башҡортостандың 2024 йылға тиклем үҫеш пландары һәм аныҡ аҙымдары тураһында мөһим документты уҡып ишеттерҙе. Башҡортостан Башлығының беренсе Указы республиканың алдағы биш йылға социаль-иҡтисади үҫешенең стратегик йүнәлештәрен күҙаллай. Указда билдәләнгән бурыстарҙы ай һуҙымында төҙөләсәк яңы Хөкүмәт тормошҡа ашырасаҡ.
Читайте нас: