“Табын” район гәзите мәғариф бүлеге менән берлектә мәктәп уҡыусылары араһында шағирә Гөлнур Яҡупова призына ойошторған “Өмөтлө ҡәләм - 2019” ижади бәйгеһенең йомғаҡлау сараһы Красноусол башҡорт гимназия-интернатында үтте. 19-сы тапҡыр уҙған байрамдың түрендә билдәле шағирә, яҙыусы, Башҡортостандың атҡаҙанған мәҙәниәт хеҙмәткәре, Салауат Юлаев ордены кавалеры яҡташыбыҙ Гөлнур Миҙхәт ҡыҙы булды. Сара тураһындағы мәҡәлә гәзитебеҙҙең алдағы һандарында донъя күрәсәк.