Ғафуриҙарға еңеү теләйек

28 сентябрҙә "Аҡбуҙат" ипподромында "Терра Башҡортостан" ат-спорт турнирының 12-се йомғаҡлау һайлап алыу этабы үтә. Унда Бәләбәй, Ғафури, Кушнарен, Хәйбулла һәм Яңауыл райондары вәкилдәре ҡатнаша.

Районыбыҙ намыҫын 6 һыбайлы: "Красавчик" исемле атта - Эдуард Түзбәков, "Ансенал"да - Илья Миних, "Странник"та - Фәнис Фәхретдинов, "Гермес"та - Рәшит Бәхтийәров, "Ванька"ла - Руслан Фәхретдинов һәм "Князь"да - Радик Бәхтийәров ("Урожай" ЯСЙ-нән), шулай уҡ "Орлик"та - Хәбир Ғилманов һәм "Буян"да Фидаил Ғилманов (ШЭ А.С.Ҡунафин) яҡлаясаҡ.

Турнир көндәрендәге сабыштарҙа еңеүсе 12 һыбайлы 11 октябрҙә Башҡортостан Башлығы призына Һәүәҫкәр жокейҙарҙың финал чемпионатында көс һынашасаҡ. Ғафури һыбайлыларына еңеү теләйек!