Владимир Путин тәбрикләне

“Рәсәй – Ислам донъяһы” стратегик ҡараш төркөмө рәйесе, Татарстан Президенты Рөстәм Минниханов ҡунаҡтарға Рәсәй Президенты Владимир Путиндың тәбрикләү һүҙҙәрен уҡып ишеттерҙе.

“Беҙҙе ғәҙел демократик тыныслыҡ тәртибе ҡағиҙәләрен үтәүгә, халыҡ-ара мөнәсәбәттәрҙә хоҡуҡтың өҫтөнлөгөн тәьмин итеүгә, бөтә континенттарҙа ла тотороҡлолоҡ һәм хәүефһеҙлекте нығытыуға ынтылыш берләштерә. Рәсәйгә лә, ойошма ағзаларына ла глобаль хәүефтәргә ҡаршы тороу, төбәк бәхәстәрен көйләү, төрлө гуманитар мәсьәләләрҙе яйға һалыу маҡсатында көстәрҙе туплау мөһим. Һеҙ конфессия-ара аралашыуҙы киңәйтеүгә, дини төрлөлөк шарттарында граждандар тыныслығын һәм социаль тотороҡлолоҡто һаҡлауға бәйле мөһим мәсьәләләрҙе ҡараясаҡһығыҙ. Конструктив, йөкмәткеле һөйләшеүҙәр үткәрерһегеҙ, фекерҙәрегеҙ, тәҡдимдәрегеҙ беҙҙең илдәр һәм халыҡтар араһындағы ышанысты, бер-береһен аңлауҙы нығытыуға булышлыҡ итер тип иҫәпләйем” тигән юлдар бар Рәсәй Президентының тәбрикләү һүҙендә.

#ВладимирПутин