"Экология" проекты сиктәрендә

“Экология” милли проекты сиктәрендә Учалы ҡалаһында стационар экологик пост эшләй башланы. Учалы тау сәнәғәте колледжы биләмәһендә урынлашҡан экопост тау-байыҡтырыу комбинатының дүрт маркер матдәләренә мониторинг үткәрәсәк. Көкөрт диоксиды, углерод, азот оксидтары, азот диоксиды һәм төрлө фракциялағы саңдарҙың күләмен газоанализатор тип аталған прибор билдәләйәсәк.

- Экологик пост предприятиеға һауалағы зарарлы матдәләрҙең концентрацияһы үҙгәреүен асыҡлап, ваҡытында тейешле саралар күрергә ярҙам итәсәк, — ти УТБК-ның баш экологы Олег Данилов.

Экологик проектты тормошҡа ашырыу маҡсатында Учалы тау-байыҡтырыу комбинаты 10 миллион һум аҡса сарыф итә.

#нацпроекты