Киләһе йылда Башҡортостанда 91 фельдшер-акушер пункты асыу планлаштырыла

Был турала республика һаулыҡ һаҡлау министры Максим Забелин белдерҙе.

-2020 йылға 72 авария хәлендәге ФАП төҙөкләндерелә, шуларҙың 57-һе - федераль, 15 -е республика бюджеты иҫәбенә. Быйыл эшләй башлаған адреслы инвестиция программаһы буйынса киләһе йылда 13 ФАП эксплуатацияға инәсәк. Шулай уҡ республиканың Ауыл хужалығы министрлығы 2020- 2022 йылдарҙа өҫтәлмә рәүештә 6 ФАП төҙөү өсөн 23 миллион һум бүлергә планлаштыра.

2020 йылда 31 һаулыҡ һаҡлау объекты проектлауға һәм төҙөүгә 5 миллиард һум бүлеү ҙә күҙаллана.

Быйыл “Сәләмәтлек” милли проекты буйынса, республика дауаханаларына 7 мең берәмеккә яҡын медицина ҡорамалы килтерелгән.

#нацпроекты