Суррогат араҡы һатыу хаҡында дөрөҫ хәбәрҙәр өсөн аҡса түләнәсәк

Радий Хәбиров Башҡортостанда суррогат араҡы һатыу тураһында мәғлүмәт өсөн 2-нән 50 мең һумға тиклем аҡса түләргә вәғәҙә бирҙе.

Республикала йәшәүселәр суррогат араҡы һатыу хаҡында дөрөҫ хәбәрҙәр өсөн аҡса алырға мөмкин. Етештереүселәр тураһында мәғлүмәткә - 50 мең һум, һатыусылар хаҡында мәғлүмәткә - 2 мең һум. Мәғлүмәт еткереүселәргә йәшеренлек гарантиялайҙар.

Мәғлүмәтте «Хәүефһеҙ мөхит» порталында safety.openrepublic.ru/ ҡалдырырға йәки +7 (347) 218-09-87 (эш көндәрендә иртәнге сәғәт 9-ҙан киске 7-гә тиклем) телефоны буйынса хәбәр итергә була.