+17 °С
Болотло
Антитеррор
Бөтә яңылыҡтар
Яңылыҡтар
23 Декабрь 2019, 23:20

"Яңы йыл календары" менән күңелле ял

Алда беҙҙе күркәм байрам һәм оҙон ялдар көтә. Был көндәрҙе нисек тә файҙалыраҡ, күңеллерәк, иҫтә ҡалырлыҡ итеп үткәрергә кәрәк. Ҡайҙа, нимә, ҡасан булырын ҡайҙан белергә? Нисек матур сараларҙан ситтә ҡалмаҫҡа?

Бында ярҙамға “Башҡортостандың мәҙәни донъяһы” интернет-порталы ярҙамға киләсәк. Унда “Яңы йыл календары-2020” тигән махсус бүлексә булдырылған. Порталда 8 ғинуарға тиклем үтәсәк барлыҡ саралар күрһәтелгән. Сараларҙың дөйөм девизы – “Башҡортостан – спорт, туризм, мәҙәниәт һәм һаулыҡ биләмәһе”.
Шулай итеп, һәр муниципалитет бүлексәһендә район һәм ҡалаларҙың рәсми сайтына һылтанмалар бар. Унда һәр бер ауыл биләмәһе өсөн саралар планы ҡуйылған. Бынан тыш, календарҙа дәүләт кимәлендәге мәҙәниәт һәм сәнғәт учреждениелары репертуары ла бар. Сараларға килгәндә, улар бик күп: оҫталыҡ дәрестәре, музей экскурсиялары, спорт эстафеталары, урындағы театрҙарҙың драматик тамашалары һәм башҡалар.
Яңы йыл ялдары осоронда Башҡортостан Башлығы Радий Хәбировтың ҡушыуы буйынса, Яңы йыл тамашаларынан тыш, төрлө киң күләмле спорт һәм мәҙәни саралар ҙа үтәсәк. Республиканың теләһә ҡайһы төбәгендә йәшәгән һәр кеше, ҡунаҡтар күңеленә ятҡан ял төрө табыр, ғаиләһе, яҡындары менән күңелле итеп ваҡыт үткәрер тип ышана ойоштороусылар.
Шулай итеп, ҡайҙа һәм ҡайһы көндә ниндәй сара үтеүен белергә теләһәгеҙ, https://kulturarb.ru/ru/kalendar-meropriyatij-2020 һылтанмаһы буйынса үҙегеҙгә кәрәк мәғлүмәтте табырһығыҙ.
Байрам матур үтһен!
Читайте нас: