-18 °С
Болотло
Антитеррор
Бөтә яңылыҡтар
Новости
24 Декабрь 2019, 00:25

Ретро-күргәҙмә

Яңы йыл байрамдары алдынан Башҡортостан Республикаһының Милли музейы «Яңы йыл тураһында» ретро-күргәҙмә ойоштора.

Витриналарҙа 500-гә яҡын предмет: шыршы уйынсыҡтары, аксессуарҙар, ХХ быуаттың 40-60-сы йылдарындағы яңы йыл открыткалары ҡуйыла.
Шыршы уйынсыҡтарының тематикаһы төрлө: һауала осоу һәм йыһан, цирк, йәнлектәр донъяһы, балалар һындары, әкиәттәр серияһы, совет символикаһы, Кремль уйынсыҡтары, бәләкәй уйынсыҡтар, шыршы төбөнә ҡуймалы һындар.
Күргәҙмә залында яһалған яңы йыл инсталляцияһы ла совет осоро мөхитенә сумырға ярҙам итер.
Был коллекция шыршы уйынсыҡтарының тылсымлы донъяһын асыр, өлкәндәргә – бала саҡ донъяһына әйләнеп ҡайтырға, ә балаларға илебеҙ тарихын ғәҙәти булмаған ракурстан күрергә булышлыҡ итер, матурлыҡҡа ынтылған һәр кемдә ижад итеү теләген уятыр.
Читайте нас в