“Бер телдән дә телем кәм түгел”

Конференцияның пленар өлөшө тамамланғас, тематик секциялар эше ойошторолдо. Алты секцияла республиканың төрлө район-ҡалаларының гимназия-лицейҙарынан килгән 70-ләп уҡыусы үҙ эшен яҡланы. Н.Мәжитов исемендәге Красноусол башҡорт-гимназия интернатының 11-се класс уҡыусыһы Наҙгөл Шәфиева “Бер кемдән дә телем кәм түгел” секцияһында баһалама ағзаларына үҙе башҡорт теленә тәржемә иткән билдәле рус яҙыусыһы К.Г.Паустовскийҙың “Драгоценная пыль” хикәйәһенә эшләгән буктрейлерын тәҡдим итте. Секцияла тыңланылған 16 уҡыусының эҙләнеү эше араһынан һайланып алынып, Наҙгөлдөң хеҙмәте Мәғариф министрлығының 3 дәрәжә Дипломына лайыҡ булды. Конфереция аҙағында килгән ҡунаҡтарға һәм ҡатнашыусыларға гимназия уҡыусылары тарафынан әҙерләнгән Наил Ғәйетбаевтың “Моңдар ҡайтһын ауылға“ драмаһынан өҙөк тәҡдим ителде. Саранан бөтәһе лә ысын мәғәнәһендә тел байрамы ойошторған гимназия коллективына ҙур рәхмәт әйтеп, рух күтәренкелеге алып таралышты.