Байрам йәмен ебәрмәгеҙ!

Муниципаль район хакимиәте Яңы йыл байрамдары осоронда һаҡлыҡ сараларын күҙәтергә кәрәклеген иҫкәртә

Ғәҙәттә, байрам осоронда янғын хәүефе һәм бәхетһеҙлек осраҡтары арта башлай. Матур байрамдың йәмен ебәрмәҫ өсөн ябай ғына ҡағиҙәләрҙе онотмаһағыҙ ине, райондаштар:

- шыршыны йылытыу приборҙарынан һәм сығыу урындарынан алыҫыраҡ һәм ныҡлы итеп урынлаштырығыҙ;

- шыршыны шәм, мамыҡ менән биҙәмәгеҙ, төҙөк электр гирляндалары ғына ҡулланығыҙ, өйҙән сыҡҡанда, йоҡларға ятҡанда уларҙы мотлаҡ һүндерегеҙ;

- фейерверк һәм пиротехник әйберҙәрҙе бары тик тышта, ҡаралтыларҙан хәүефһеҙ алыҫлыҡта аттырығыҙ, уларҙы аттырғанда эргә-тирәләге кешеләр йәрәхәтләнерлек, бешерлек булмаһын;

- балаларҙы пиротехник әйберҙәр, шырпы һәм зажигалка менән уйнауҙан тыйығыҙ, бының хәүефле икәнен аңлатығыҙ, кескәй балаларҙы шыршы янында үҙҙәрен генә ҡалдырмағыҙ;

- иҫерткес менән мауыҡмағыҙ, өйҙә, бигерәк тә түшәктә ятҡан йәки креслола ултырған килеш тәмәке тартмағыҙ. Бындай хәлдә, айырыуса эскән килеш, йоҡлап китеп, кейемгә, түшәк-яҫтыҡҡа ут төшөү хәүефе ҙур;

- торлаҡтың һәр бүлмәһенә янғын иҫкәрткесе ҡуйығыҙ – был үҙегеҙҙең һәм яҡындарығыҙҙың ғүмерен, һаулығын һаҡлап ҡалырға ярҙам итәсәк!

Янғын күрен ҡалһағыҙ, экстрен хеҙмәттәрҙең берҙәм номерына шылтыратығыҙ: 112.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59