Заманса ҡорамалдар һатып алына

Ҡан әйләнеше сирҙәренән ҡайһы райондарҙа үлем осраҡтарының күберәк теркәлгәне асыҡланды. Һаулыҡ һаҡлау министрлығы мәғлүмәттәренә ҡарағанда, республикала һәр 100 мең кешегә 515,1 үлем осрағы тура килә.

Үткән йылдың ун айында иң юғары үлем осрағы Федоровка районында теркәлгән. Бында 100 мең кешегә инфаркт һәм инсульт сирҙәренән үлем осраҡтары 686,6 тәшкил итә. Нуриманда был күрһәткес - 675,7, Миәкәлә – 642,9, Стәрлебашта - 638,1 һәм Белорет районында - 635,5.

Шуның менән бергә күрһәткестәре уртаса республика күрһәткесенән түбән булған муниципалитеттар ҙа бар. Ағиҙел, Октябрьский, Нефтекама ҡалалары, Саҡмағош һәм Бүздәк райондары - шулар иҫәбендә.

Республикала йөрәк-ҡан тамырҙары сирҙәрен иҫкәртеү һәм дауалау буйынса ҙур эш йәйелдерелде, яңы технологиялар индерелә, ”Һаулыҡ һаҡлау” милли проектына ярашлы, заманса ҡорамалдар һатып алына. Шуға күрә алдағы йылдарҙа бөгөнгө күрһәткестәрҙең яҡшырыуына өмөт ҙур.

@нацпроекты

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59