"Мәғариф" милли проекты сиктәрендә

Бөгөн республика Башлығы Радий Хәбиров Әлшәй районына сәфәре ваҡытында Аксенов агросәнәғәт колледжы эшмәкәрлеге менән танышты.

Уҡыу йорто базаһында ветеринарҙар әҙерләү өсөн уҡыу үҙәге төҙөү планлаштырыла. Был үҙенә күрә бәләкәй ферма буласаҡ, студенттар практик белем аласаҡ. Унда 200 баш инә сусҡа, шулай уҡ һыйыр малдары үрсетеү күҙаллана.

Аксенов агроколледжында агрономия, ветеринария, ҡортсолоҡ, иҡтисад һәм бухгалтерия иҫәбе, ер-мөлкәт мөнәсәбәттәре, етештереү технологияһы һәм ауыл хужалығы продукцияһын эшкәртеү һөнәрҙәре буйынса белем бирелә. Шулай уҡ иретеп йәбештереүсе, ашнаҡсы-кондитер, тракторсы-машинист кеүек эшсе һөнәр эйәләре лә әҙерләнә.

Радий Фәрит улы уҡыу йортонда алған тәьҫораттары менән “Бәйләнештә” төркөмөндәге сәхифәһендә уртаҡлашты.

"Мәғариф" милли проектына ярашлы 2019 йылда Рәсәй Мәғариф министрлығының грантын алыу Аксенов ауыл хужалығы колледжына һиҙелерлек дәрәжәлә алға китергә булышлыҡ итте. Грант суммаһы - 47,5 миллион һум - аҙ түгел, уның 9,6 миллион һумы – республиканыҡы. Ике аҙна элек кенә беҙҙең колледжға һуңғы йыһаздарҙы килтерҙеләр. Хәҙер бында “Агрономия”, “Ауыл хужалығы биотехнологиялары”, “Сити-фермерлыҡ”, “Ауыл хужалығы машиналарын эксплуатациялау” һәм “Ветеринария” бүлектәрендә белем алыу өсөн биш заманса оҫтахана бар. Колледж йөҙәрләгән балаға һөнәр алырға һәм артабан үҙҙәренең юлын табырға мөмкинлек бирәсәк”.

#нацпроекты

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59