-15 °С
Ясна
Антитеррор
Бөтә яңылыҡтар
Новости
14 Февраль 2020, 18:25

Талисман һайлауҙа ҡатнашығыҙ!

Халыҡ иҫәбен алыу талисманын уйлап табыуға конкурсҡа ғаризалар ҡабул итеү тамамланды. Ойоштороусылар әйтеүенсә, конкурсҡа илдең 74 төбәгенән 900-гә яҡын эш килгән.

Күпселек авторҙар айыу, сысҡан, эт, ҡош һүрәттәрен ҡулланған. Тәҡдим ителгән персонаждар араһында 20 ҡауҙы, 15 өкө, ике тауис ҡошо, бер өйрәк бар. 2020 йылғы халыҡ иҫәбен алыу тәүге тапҡыр һанлы форматта үтә, шуға күрә күп авторҙар геройҙарына планшет һәм смартфондар тотторған.
Конкурсҡа Башҡортостандан 12 автор 22 эш ебәргән. Башҡортостанстат етәксеһе урынбаҫары Рөстәм Ғатауллин республика халҡын тауыш биреүҙең икенсе этабында әүҙемерәк булырға саҡыра. Икенсе этап – асыҡ тауыш биреү 11-нән 21 февралгә тиклем үтә. Унда теләге булған һәр кем ҡатнаша ала. Бының өсөн www.strana2020.ru сайтында теркәлеп, бер һүрәт өсөн тауыш бирергә кәрәк. Иң күп тауыш йыйған һүрәттәрҙең 10 процентын профессиональ жюри ҡарап, еңеүсене билдәләйәсәк. Еңеүсегә 60 мең һум бирелә, уның һүрәте Бөтә Рәсәй халыҡ иҫәбе алыуҙың талисманы тип билдәләнә. Конкурс һөҙөмтәләре 28 февралгә тиклем халыҡ иҫәбе алыуҙың рәсми сайтында https://www.strana2020.ru/contest/talisman ҡуйыласаҡ.
Бөтә Рәсәй халыҡ иҫәбен алыу һанлы форматта 1 октябрҙән 31-нә тиклем үтә. Уның яңылығы: Дәүләт хеҙмәтенең берҙәм порталында (Gosuslugi.ru) электрон иҫәп алыу ҡағыҙын тултырырға мөмкин. Росстат иҫәп алыусылары йорттарға йөрөгәндә махсус программалы планшеттар ҡулланасаҡ. Иҫәп алыу участкаларына, шул иҫәптән Күп функциялы үҙәктәргә барып та иҫәп алыуҙа ҡатнашырға була.
Читайте нас в