«Башҡорт мәҡәлдәре һәм әйтемдәре» проекты

Мәскәүҙә йәшәгән башҡорт фоторәссамы Гөлназ Ғәлимуллина яңы проект — «Башҡорт мәҡәлдәре һәм әйтемдәре» календары менән таныштыра.

2020/2021 йылдар календары өсөн башҡорт мәҡәлдәре, шулай уҡ уларҙың рус һәм инглиз телдәрендәге аналогтары һайлап алынған. Һүрәттәрҙә барыһына ла аңлайышлы образдар һәм символдар файҙаланылған.

Проектта тел белгесе Дилә Хизбуллина, рәссам Гөлназ Иҫәнғолова ҡатнашҡан, дизайнын Наталья Кожинова эшләгән, модель – Ильмира Моталова.

«Тәүге «Монисто» фотопроекты социаль селтәрҙә йәшәне. Беҙ, ижади төркөм, был хеҙмәттәрҙең һөҙөмтәһе матди булыуын һәм аккаунттарығыҙҙың диуарын түгел, ә йорттарығыҙҙы биҙәүен теләйбеҙ, — ти Гөлназ Ғәлимуллина. — Күп йылдар элек мәктәптә инглиз теленән яратҡан уҡытыусым Дилә Хизбуллина диссертация яҙғанда мәҡәлдәрҙе анализлау буйынса ҙур эш башҡарғайны, шуға күрә Дилә Ишбул ҡыҙының мәҡәлдәр йыйынтығы ныҡ ярҙам итте».

Автор билдәләүенсә, был – ҙур фотопроекттың беренсе өлөшө. Проект Халыҡ-ара туған телдәр көнө һәм быйыл Башҡортостанда үтергә тейешле Бөтә донъя фольклориадаһы алдынан булдырыла.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59